Equus asinus

L'ase (var. asne, aine^[1], ae, ai, aso, asoòt), Equus asinus, es un animal domestic de la familha dels equids (coma lo caval). Lo pichòt de l'ase es l'asenon.

Equus asinus

Ase

Classificacion segon MSW

Règne	Animalia
Embrancament	Chordata
Classa	Mammalia
Òrdre	Perissodactyla
Familha	Equidae
Genre	Equus

Nom binominal

Equus asinus
Linnaeus, 1758

L'ase es un mamifèr qu'a un pelatge gris amb una linha negra sus l'esquina; se noirís d'èrbas. Servís a portar de causas o a far de randonadas.

La femèla es la sauma.

Noms dialectals

L'ase recèp tanben aqueles noms dialectals:

• borro, harri, saumet en gascon
• borric, saumèl, saumier en lemosin, e probablament borrica e lo diminitiu borriquet coma en lengadocian^{[Nòta 1]}
• borrica en lengadocian amb los diminitius borricòt, borriquet^[1]
• mitron (dialècte?)

La sauma recèp tanben lo nom comun borrica e aqueles noms dialectals:

• arruca, aina en gascon
• asnessa, mistra en lemosin, e probablament borrica e lo diminitiu boriqueta^{[Nòta 2]}
• borra en lengadocian
• asena en vivaroalpenc e lo diminitiu saumeta^[1]

Provèrbis

• "A fauta de buòu, òm fa laurar l'ase".
• "Cantatz a l'ase, vos farà de pets".
• "Es ase de natura cu non saup legir son escritura".^[1]
• "Fa mal siblar a l'ase quand vòl pas beure".
• "L'ase pensa d'un biais e l'asenièr d'un autre".
• "Mai l'ase es magre, mai las moscas lo fiçan".
• "Per la fam l'ase mangèt l'agram".
• "Se lo trabalh fasiá ric, mon ase auriá la barda d'aur"