Bòscs Nèirs (Liuradés)

Los Bòscs Nèirs son le poent culminant daus monts dau Liuradés, a 1 215 m d'altitud.

Bòscs Nèirs (Liuradés)

Tipe	Montanha
Part de	Liuradés
Localizacion
Estat	França
Serrada	Massís Central e Liuradés
Donadas
Altitud	1 215 m

Situat dins le pargue naturau regionau Liuradés-Forés e dins le departament dau Puèi de Doma, sa cima, au cuer d'un bòsc de conifèrs, permet pas una vision panoramica dau pargue naturau regionau, e notadament pas de la plana dau Liuradés, a l'èst, entre Arlhenc e Embèrt.

La cima absoluda dau massís pòrta maitot le nom de signau de Mons, sens dobte en rason de sa relativa proximitat geografica (2,5 km) embei le vialatge de Nòstra Dama de Mons e sa glèisa dau mèma nom, que depend de la comuna de Champestèiras.

Le signau de Mons es pasmens biaucòp mai pròche daus vialatges de Garnisson (Fornòus), Tiravacha (Chambon) e Virenas (Le Monestèir, comuna sobre le territòri de la quna es situat), totes treis situats a mens de 1 000 m a volada d'aucèl.

Quatre autres sucs daus Bòscs Nèirs atenhon o descompassan l'altitud de 1 200 m : dos sobre la comuna dau Monestèir, au nòrd dau signau (1 212 e 1 214 m) e dos sobre la comuna de Champestèiras, au sud-èst dau signau (1 200 e 1 207 m).

Los Bòscs Nèirs, embei sobre la dreita le signau de Mons, veguda dempuèi le ròc de la Vièrja que domina le borg dau Monestèir, a a pauc près 3 km a volada d'aucèl.