Bali

Bali es una illa d'Indonesia situada entre las illas de Java e de Lombok. Fa partida de las Illas Pichonas de la Sonda. Sa superfícia es de 5 637 km². La populacion de l'ensemble de las illas de la província de Bali èra de 3 890 000 abitants en 2010, siá unae densitat de 690 abitants/km². Administrativament, l'illa fat partit de la província del meteis nom e aculhís sa capitala (ibu kota), Denpasar, dins lo sud de l'illa.

Bali Pulau Bali
Imatge satellit de Bali.
Geografia
País	Indonesia
Archipèla	Pichòtas illas de la Sonda
Localizacion	Mar de Bali, ocean Indian
Coordenadas	8° 30′ S, 115° 00′ E
Superfícia	5 632,86 km2
Geologia	Illa volcanica
Administracion
Indonesia
Província	Bali
Kabupaten e kota	Badung, Bangli, Buleleng, Denpasar, Gianyar, Jembrana, Karangasem, Klungkung, Tabanan
Demografia
Populacion	3 890 000 ab.
Densitat	690,59 ab./km2
Vila principala	Denpasar
Autras informacions

Bali es una destinacion toristica populara, qu'a vist una aumentacion significativa de la frequentacion toristica dempuèi las annadas 1980. Lo torisme representa ara 80% de son economia. Es famosa culturalament per lo naut nivèl de desvolopament de sos arts, coma sas danças tradicionalas e modèrnas, l'esculptura, la pintura, lo cuèr, lo trabalh del metal, e la musica. Bali aperten al Triangle de Coralh, la zona amb la mai granda biodiversitat d'espècias marinas. Dins aquela sola region se trapan mai de 500 espècias de coralh d'escuèlh. Per comparason, es aperaquí 7 còps mai que dins tota la mar Cariba.