Batalha de Grunwald

La batalha de Grunwald se debanèt lo 15 de julhèt de 1410. Fa partida dei batalhas pus importantas de l'Edat Mejana ai nivèus deis efectius alinhats per cada armada e dei consequéncias sus l'equilibri deis estats europèus. Opausèt lei fòrças de l'aliança dau Reiaume de Polonha e dau Grand Ducat de Lituània ai tropas de l'Òrdre dei Chivaliers Teutonics. Fòrça saunosa, s'acabèt per la victòria deis aliats e per la mòrt dau cap de l'Òrdre Teutonic.

Representacion dau prat batalhier per Jan Matejko (1878).

Lei consequéncias de la batalha foguèron inicialament limitadas car l'Òrdre Teutonic capitèt de resistir dins sei fortalessas fins a la signatura d'una patz gaire constrenhenta en 1411. Pasmens, l'Òrdre perdiguèt la màger part de sei fòrças umanas e economicas dins la batalha. De mai, la mòrt de son cap entraïnèt de crisis de succession que van l'afeblir fortàment. Au contrari, la victòria marquèt lo començament de l'expansion polonesa en Euròpa de l'Èst e finalament, l'Òrdre Teutonic venguèt vassau dau reiuame polonés en 1446.

Bibliografia

• (fr) Sylvain Gouguenheim, Tannenberg : 15 juillet 1410, Tallandier (2012).