Batalha de Mu'tah

La batalha de Mu'tah es un combat que se debanèt en setembre de 629 sus lo territòri de la Jordania actuala. Foguèt lo resultat d'una incursion de tropas aràbias mandadas dins la region per Maomet per combatre de tribús aràbias non musulmanas. Se turtèt ai fòrças localas d'aquelei tribús e a plusors garnisons bizantinas mobilizadas per leis autoritats localas. Lei coalizats reüniguèron ansin aperaquí 10 000 òmes^[1] e leis asalhidors (3 000 òmes^[2]) se retirèron vèrs lo sud per trobar una posicion favorable a un combat defensiu. La confrontacion principala aguèt luòc dins una vau e lei musulmans deguèron se retirar après la mòrt de la màger part de sei caps.

Lo bilanç uman de la batalha es desconegut. Après aquela desfacha, Maomet se concentrèt sus lo renforçament de son poder dins la peninsula Aràbia fins a sa mòrt. Pasmens, leis escaramochas contunièron entre Bizantins e musulmans e l'intensitat dei combats aumentèt rapidament au començament deis ans 630. Menèron a la conquista aràbia de la màger part dau sud e de l'èst dau mediterranèu dins lo corrent dau sègle VII.

Liames intèrnes

Bibliografia

• (en) Walter E. Kaegi, Byzantium and the Early Islamic Conquests, Cambridge, Cambridge University Press, 1995, 313 p.
• (en) Walter Emil Kaegi, Heraclius, Emperor of Byzantium, Cambridge University Press, 2003, 372 p.