Beneset de Tèrme
From Wikipedia, the free encyclopedia
Remove ads
Beneset de Tèrme èra un religiós catar nascut abans 1160 de segur al castèl de Tèrme e mòrt pauc après 1230 benlèu al castèl de Querbús.
Biografia
Se tròba la primièra mencion de Beneset de Tèrme a l'escasença del collòqui de Montreal, en 1207. Es alara un diacre catar de Rasés, e donc dependent de l'avescat catar de Carcassona. Pendent aquela controvèrsia, mentre que Diego d'Osma es causit per èsser campion del camp catolic, los catars delègan Arnaud Oth (diacre de Cabardés) e Beneset de Tèrme.
En 1226, assistís a un concili catar qu'a luòc al Castèl de Piuça. Es fach avesque de Rasés a aquela escasença, avescat que compren Rasés pròpriament dich, s'espandissent fins a Mirapeis. Guilhabèrt de Castras li conferís lo consolament.
La darrièra mencion qu'ajam d'el se tròba dins las deposicions fachas a l'inquisicion, ont un certan Guilhem Cabilblanc indica li aver vendut un pastís de peis en 1230. Residissiá alara al castèl de Querbús, luòc de refugi pels religioses catars. Beneset, plan annadit, se morís probable pauc après car son filh menor, Raimond Agulher, es senhalat coma avesque de Rasés en 1233.[1]
Sembla èsser estat l'oncle e lo preceptor del celèbre cavalièr Olivièr de Tèrme, protector dels catars.
Remove ads
Nòtas
Fonts, bibliografia
Veire tanben
Wikiwand - on
Seamless Wikipedia browsing. On steroids.
Remove ads