Besòs

Lo Besòs es un riu catalan, amb un cors de 17,7 km, que nais dins la comarca del Valés Oriental de l'union dels rius Mogent e Congost e desboca dins la Mediterranèa en a Sant Adrià de Besòs.

Besòs
Vista del riu a Sant Adrià de Besòs
Caracteristicas
Longor	17,7 km
Bacin	1,039,0 km2
Debit mejan	4,33 m3⋅s-1
Regim	Mediterranèu
Riu
Font	Confluéncia del Mogent e del Congost
Embocadura	entre Sant Adrià de Besòs e Barcelone
· Altitud	0 m
S'escampa dins	la Mediterranèa
Geografia
Païses traversats	Espanha
Regions traversadas	Catalonha
Vilas principalas	Parets del Vallès, Montcada e Reixac, Sant Todon de Gramenet, Barcelona e Sant Adrià de Besòs.

Son bacin conten las comunas de Aiguafreda, Figaró-Montmany, la Garriga, las Franquesas del Vallès, Canovelles, Granollers, Montmeló e Mollet del Vallès, mas, subretit, passa per Parets del Vallès, Montcada e Reixac, Sant Todon de Gramenet, Barcelona e Sant Adrià de Besòs. Lo debit del Besòs es tipic de la Mediterranèa, fòrça irregular pendent l'annada.

Afluents

Lo riu Besòs a cinc afluents principals:

• Lo Mogent^[1]
  • Riera de Vallforners
  • Riera de Vilamajor
    • Vallserena^[2]
• Lo Congost^[3]
  • Riera de Turbina^[4]
• Lo Tenes.^[5]
  • Lo Rossinyol^[6]
• La riera de Caldes
• Lo Ripoll^[7]
  • Torrent de Colobrers
  • Ritz Torçut
  • Ritz Shut

Istòria

Quitament se jamai foguèt navegable, representava una via de comunicacion entre la còsta catalana e l'interior. Sas aigas s'utilizèron per l’asagatge ortalenc de Barcelona; es per aquò que, al sègle X, se bastiguèt lo Rec Comtal, valat bastit a partir de Montcada i Reixac e que pendent l'Edat Mejana arribava a l'interior de la vila de Barcelona. A causa de son passatge per una zòna de poblament dens e industrializada, pendent los ans 70 e 80 del sègle XX foguèt tristament celèbre per èsser lo riu mai poluit d'Euròpa. Dmpuèi la mitat de la decènnia de 1990 foguèt netejat, e sa aigas, descontaminadas. En aprofechant de las òbras urbanisticas realizadas pel Forum Universal de las Culturas, en 2004 se realizèt lo Pargue Fluvial del Besòs, situat entre Barcelona, Santa Coloma de Gramenet e Sant Adrià de Besòs.

• 
  Vista del riu a Sant Adrià de Besòs
• 
  Lo tram final del riu en direccion cap la mar
• 
  La desbocadura