Bonafé (Barri)
From Wikipedia, the free encyclopedia
Remove ads
Lo barri Bonafé es un endrech popular de la vila de Tolosa. Se situa dins lo centre de la ciutat mondina, prèp de la Gara Matabuòu.
Istoric
Fins a la mitat del sègle XIX, demorèt un barri rural. Puèi, amb lo desvolopament de la linha de tren (Linha Bordèu - Sata) dempuèi 1855, se desvolopèt un abitat d'emplegats del camin de fèrre, prèp de la Gara Rainal e del talhièr de las locomotivas. Lèu i foguèt bastida una glèisa, «la primièra al mond consagrada a l'Immaculada-Concepcion», en ligam amb las aparicions de Lorda. La glèisa del barri fa ligam entre Lorda e la Vila ròsa: replica de la balma lordesa, font…
Lo 15 de genièr de 1893, lo conselh municipal, majorat pel cònsol Honoré Serres, decidiguèt de bastir dos grops escolars e de magazins municipals sus un terren legat per un ric mercadièr, Pèire Maurin.
En 1931 foguèron bastidas d'abitacions de bon marcat, e pau a pauc lo quartièr s'urbanizèt amb d'immòbles dempuèi los ans 1960.
La carrièra principala èra la RN 88 anant de Tolosa cap a Lion per Albi, desservida per una linha de tramvia, uèi desapareguda. Uèi, es la carièra del barri Bonafé, es bordada de comèrces divèrses.
Remove ads
Activitat culturala
Lo quartièr es fòrça ric en activitat culturala.
- L'« Espaci Bonafé »[1], destinat a la manifestacions culturalas du quartièr, inaugurada en 1984 dins los bastiments de l'anciana remonta nacionala;
- Lo teatre « Le Hangar »[2] ;
- Lo « Théatre de Poche »[3] ;
- L'Espaci d'art contemporanèu « Lieu commun »[4].
Remove ads
Referéncias
Vejatz tanben
Wikiwand - on
Seamless Wikipedia browsing. On steroids.
Remove ads