Centre CEA de Cadaracha

Lo Centre CEA de Cadaracha es un centre de recèrca e desvolopament dau Comissariat a l'Energia Atomica implantat dins la vau de Durença entre Ais e Manòsca. Fondat en 1959, assosta d'installacions de recèrca coma lo reactor Jules Horowitz, lo tokamak Tore Supra e lo projècte ITER. En mai d'aquò, amb 5 500 emplecs dirèctes dins leis ans 2010, èra vengut un important pòl economic en Provença.