Camoçariá

La camoçariá es una tecnica artesanala que consistís a realizar un tipe de cuer soplissim e de grande qualitat, utilizat per exemple dins la gantariá.

Una « pèl de camoç »

Aqueste cuer èra autrescòp realizat amb de pèls de camoç tractadas amb l'òli de peis, çò que ne fasiá un produch rar e car. Los artesans ensejavan donc de realizar de cuers de qualitat pròche utilizant la pèl d'animals d'abaliment, un tal cuer es alara nomenat « pèl camoçada ».

Lo camoçatge se raliza ara suls mèsmes tipes de pèl qu'aquestas utilizadas en blancariá (anhèl, cabra, vaqueta, feda…). s'òbra del meteis bias que dins la blancariá fins a la darrièra estapa que consistís a estirar la pèl e l'onchar amb d'òli de peis, puèi la folar per far penetrar l'òli. Pendent aquesta estapa s'aira regularament las pèls, sempre apondent d'òli.

La darrièra operacion del camoçatge consistís a far « cotonar » la pèl arracant sa « flor » amb una ganiva desafilada.

Existís en França una norma AFNOR que s'aplica a las pèls camoçadas: NF G59-001 de genièr de 1981, Cuers e pèls - Pèl camoçadas - Presentacion, dimensions e marcatge.