Campendut

Campendut o Camppendut^{[N 1]}, pron. [kampen'dyt]^[1] (Capendu en francés), es una comuna lengadociana situada dins lo departament d'Aude e la region d'Occitània, ancianament de Lengadòc-Rosselhon.

Vilatge d'Occitània

Faits en brèu CampendutCapendu, Descobridor o inventaire ...

Las atestacions ancianas son : Castellum quod vocant Capendud en 1063; Campendud en 1071; De Canesuspenso, que alio nomine vocatur Sanctus Martinus de Surzaco en 1110; Campus suspensus en 1156; S. Martinus de Sorzaco en 1196; De Canependuto en 1240; Sorzac cum ipso castro en 1521; Campandu en 1532; Canpandu en 1622; Campandut en 1614; Campendeu en 1671; Campendu, autrement Saint Martin de Surlac = Surzac en 1693; Capendû en 1781; Campendút (fòrma occitana dins la grafia de l'abat Savartés)^[2].
Segon Dauzat, Campendut representa un camp penjalut^[3]. Es tanben l'opinion dels Féniés, que precisan que un can pendut, « un can penjat », es una etimologia populara ^[4].

Sant Martin de Surzac o Sorzac

Es, çò sembla, lo nom ancian de Campendut (o puslèu un lòc prèp, confondut dins la seguida dels tempses ambe Campendut; notem que lo cementèri es a 500 m del castèl e lo vilatge se desplacèt al sègle XII d'un a l'autre).
Es lo nom de la capèla del cementèri. Las atestacions ancianas son : Sanctus Martinus de Surzaco en 1110, Sanctus Martinus de Sorzaco en 1197, Serzac en 1215-1218, Sanctus Martinus de Sersaco, comprene Surzaco, en 1227, Saint Martin, chapelle en 1781 ^[5].
Lo vocable fa pensar que la parròquia es anciana. Surzac o Sorzac es benlèu un nom identic a Sorzac (Perigòrd), explicable, segon Dauzat e Rostaing, per un nom latin d'òme, *Soritius, inatestat, derivat de sorex, « rata, murga », ambe'l sufixe -acum^[6], segon Chantal Tanet e Tristan Hordé, per *Sortitus, inatestat, « destinada, sòrt » ^[7], segon Joan Ros, a la seguida d'Astor, benlèu per lo nomen Surtius ^[8], totjorn ambe -acum. Pel lòc d'Aude, las fòrmas en Su- dominan, çò que fa que los etimes en So- son improbables (caldriá saber, pr'aquò se la vocala de SUrtius es una longa o una brèva).

Mairac

Sus la mapa IGN, demòra le nom Mayrac plaçat dins l'aira de servicis de las Corbièras Nòrd e les Jardins de Mayrac, le tot al sud-oèst de Campendut.
Mairac èra una anciana comunautat del barri de Riba d'Aude, dins la diocèsi de Carcassona e una anciana parròquia del vocable de Sant Estève. Las atestacions ancianas son : Villa Sabiniagum, qui vocatur Mairacum en 908, Sommiag, quae vocant Mairag en 1026, Sommagum, qui vocatur Mairac en 1035, Villa Sommiacum, alias Samniacum, qui vocatur Mairac en 1043, Villa de Mairacum en 1110, Ecclesia Sancti Stephani de Mayraco en 1347, Villa Fulmiagum quae vocatur Mairacum en 1494, Villa Sabinagum, quae vocatur Madragum en 1521, Locus de Mayraco en 1544, Église Saint Étienne en 1766, Ancienne église et cimetière de Mairac en 1771, Mayrac (cadastre) ^[9].
Segon Dauzat e Rostaing, coma los autres Mairac, Mairac ven del nom latin d'òme Matrius o eventualament Marius, ambe'l sufixe -acum ^[10].
Segon Xavier Delamarre, les noms d'aquel tipe venon o pòdon venir dels noms celtics d'òme *Mārios o *Mātrios, derivats en -ācon. *Mārios vendriá de *māro-, « grand » : *Māros seriá le grand e *Mārios, del grand. *Mātrios es inatestat, mes Mātrinios es atestat ^[11].

Periòde		Identitat	Etiqueta	Qualitat
junh de 2020	(2026)	Claude Busto	sense	engenhaire informatician
març de 2001	2020	Jean-Jacques Camel	PS
	2001	Pierre Jammes	PS	mètge
Totas las donadas non son pas encara conegudas.

Campendut

Geografia

Toponimia

Campendut

Sant Martin de Surzac o Sorzac

Mairac

Istòria

Administracion

Demografia

Lòcs e monuments

Personalitats ligadas amb la comuna

Véser tanben

Ligams extèrnes

Nòtas

Wikiwand - on