Canon d'assaut

From Wikipedia, the free encyclopedia

Canon d'assaut
Remove ads

Un canon d'assaut es un tipe de canon automotor. Es format d'un quadre de veïcul blindat, generalament un quadre de carri, e d'una pèça d'artilhariá. Aqueu concèpte èra destinat a provesir un sostèn d'artilhariá dirècte sus lo prat batalhier a l'infantariá.

Thumb
Canon d'assaut alemand StuG III.

Istòria

Imaginat per leis Alemands e lei Sovietics a la fin deis ans 1930, lo canon d'assaut foguèt fòrça desvolopat e utilizat per totei lei camps durant la Segonda Guèrra Mondiala. D'efiech, la poissança de fuòc de son canon li permetiá d'atacar lei fortificacions e lei blindats enemics, compres lei carris[1]. D'exemples de canons d'assaut son lo StuG III alemand e sei variantas e lei veïculs sovietics dei serias SU e ISU (SU-76, SU-122, SU-152...). Dins lo camp aliat, la preferéncia foguèt puslèu donada au desvolopament de versions « canon d'assaut » dei carris equipant lei divisions blindadas (Churchill AVRE, Sherman M4A3...) mai i aguèt tanben de creacions especificas coma lo M8.

Après 1945, lo desvolopament dau carri de combat principau demeniguèt l'interès dau canon d'assaut. Pasmens, lei modèls construchs foguèron gardats en resèrva ò venduts a de país aliats. Lo StuG III demorèt ansin fòrça utilizat fins ais ans 1970 per leis armadas aràbias[2]. En URSS, foguèt concebut l'ASU-85 qu'intrèt en servici en 1959 dins lei tropas aeroportadas e foguèt utilizat en Afganistan. Foguèt retirat dau servici en 1993 mai quauqueis exemplaris son totjorn utilizats per l'armada vietnamiesa. Ais Estats Units, lo M551 Sheridan (1967) sembla fòrça a un canon d'assaut mai es classat coma carri leugier. De mai, sa complexitat entraïnèt son retirament en 1996. Enfin, durant la Guèrra Freja, Suècia desvolopèt de canons d'assauts coma l'Ikv 72 e l'Ikv 91. Dins leis ans 1990-2000, aquelei veïculs foguèron venduts ò convertits per assegurar d'autrei missions.

Remove ads

Annèxas

Loading related searches...

Wikiwand - on

Seamless Wikipedia browsing. On steroids.

Remove ads