Castilhonés

Castilhonés (Castillonnès en francés) es una comuna considerada al còp coma agenesa e perigòrda, situada dins lo departament d'Òut e Garona e la region de Novèla Aquitània, ancianament d'Aquitània.

Vilatge d'Occitània

Castilhonés Castillonnès
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lo mercat cobèrt.
Armas
Geografia fisica
Coordenadas	44° 39′ 11″ N, 0° 35′ 33″ E
Superfícia	19,4 km²
Altituds  · Maximala  · Mejana  · Minimala	145 m 133 m 62 m
Geografia politica
País	Guiana Agenés ? Perigòrd ?
Estat	França
Region 75	Novèla Aquitània
Departament 47	Òut e Garona
Arrondiment 473	Vilanuèva d'Òut
Canton 4709	La val de Dròt (capluèc del canton de Castilhonés avant 2015)
Intercom 244700209	CC de las Bastidas en Naut Agenés Perigòrd
Cònsol	Pierre Sicaud (2020-2026)
Geografia umana
Populacion Populacion totala (2018)	1 394 ab. Evolucion de la populacion 1 415 ab.
Densitat	72,89 ab./km²
Autras informacions
Còde postal	47330
Còde INSEE	47057

Geografia

Comunas a l'entorn.

Perimètre del territòri

Comunas confrontantas de Castilhonés

Caisac	Sent Quentin de Dròt
Dosens		Ferrençac
Montauriòl		Lograta

Toponimia

Panèl d'entrada de Castilhonés.

• Castillonés. La prononciacion es [kastiʎu'ne]. Las fòrmas ancianas son nemus Castellonesium, en latin, en 1155, de Castellione, en latin, en 1155, de bosco Castellonesio, en 1155, podium de Castilhonés, en 1259, Castilhonensis, en latin, en 1268, nova bastida que vulgariter Castilhones apellatur, en 1272, de Castilhonesio, en latin, en 1305, Castellion, Casteliones, Castellioneys, Castellyhon, en 1307-1317, Castillonesium, Castelhonesium, en latin, en 1307-1317, capella de Castellione, en latin, en 1326, Chastelhoneys (en francés ?), en 1363, Castilliones, en 1383, de Castilhonesio, en latin, en 1520, etc ^[1]. Castilhonés deriva del latin castellum, « castèth » e dels sufixes -onem e -ensis, segon Albèrt Dauzat ^[2]. Ernèst Negre, citat per Bénédicte Boyrie-Fénié, dona tanben d'autras atestacions que correspondon benlèu emb Castilhonés : castrum Castillio, en 844, villa de Castillione sita tam in Petragoricenci quam in Agenesio, en 1274 [e la darrèra precision es revelatritz, veire la partida Istòria]. Segon los trabalhs de Pierre-Henri Billy, tanben citat per B. Boyrie-Fénié, Castilhonés aparteniá als senhors de Castilhon de la Batalha d'aquí a 1209 e lor castèl tocava la quita bastida. Lo locatiu -és, ajustat a Castilhon, mòstra clarament aquela relacion de possession^[1], « lo vilatge, lo castèl, las tèrras (dels senhors) de Castilhon ». Castilhon es dejà un diminutiu de castèl.

• Pompiac (Agenés). Per Pompiac (Gers), vaquí çò que Dauzat e Rostaing donan : lo nom ven de Pompeius, o milhor de Pompius, emb lo sufixe -acum ^[3], latinizacion del sufixe gallés -ācon. Se n'es aital, Pompiac èra donc probablament una anciana granda propietat antica qu'aviá per mèstre Pompeius o Pompius. La preferéncia de Dauzat e Rostaing per Pompius ven de çò que Pompeius pòt tanben donar Pompejac.

Istòria

• La parròquia de Castilhonés èra considerada al còp coma de la diocèsi de Sarlat e de la diocèsi d'Agen; en 1262, après intervencion de l'arquevesque de Bordèu, fuguèt decidit que cada avesque nommariá un curat e que los dos curats farián los oficis en comun e se despartirián los beneficis ^[4]. Una partida de las parròquias vesinas, Caüsac o Caisac, (A)gassàs e Sent Saurin (totas doás dins la meteissa comuna de Caüsac), Ferrançac o Ferrençac, Sent Martin (meteissa comuna), La Landussa, Dosens, Sent Gregòri (meteissa comuna), probablament Sent Front (comuna de Castilhonés ?, en tot cas al nòrd de la vila), que son al sud de Dròt son perigòrdas pr'aquò e concretament èran de la diocèsi de Sarlat. Pompiac, qu'es adara dins la comuna, es purament agenés pr'aquò. ^[5],[6].
• Entre 1790 e 1794, segon lo site Cassini, Roquedet (nom francés) fuguèt annexat a Castilhonés. Puèi, abans 1806, aital foguèt de Celles et Roquadet-Paroixe (nom francés) e en 1825, de Pompiac ^[7]. Pompiac es al sud-èst de la comuna, mès los vilatges de Celles e de Rocadet son dins la comuna de Lograta. Sembla curiós que Celles e Roquadet foguèsson estats estacats a Castilhonés abans l'annexion de Pompiac que los separa de Castilhonés. Error ?

Administracion

Lista dels cònsols successius

Periòde		Identitat	Etiqueta	Qualitat
març de 2008	2026	Pierre Sicaud	divèrs drecha
març de 1983	2008	Jacques Yvinec	UDF puèi UMP	mètge retirat
	1983
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra capluèc del canton de Castilhonés; es adara del canton de La Val de Dròt.

Demografia

modificar « persona »  v · d · m  Evolucion demografica Populacion comunala actuala (2013): 1414, totala: 1434
1793	1800	1806	1821	1831	1836	1841	1846	1851
1 746	1 533	1 646	1 856	2 028	1 986	1 908	1 974	2 100
1856	1861	1866	1872	1876	1881	1886	1891	1896
2 002	2 134	2 094	2 023	2 055	2 081	2 068	1 936	1 923
1901	1906	1911	1921	1926	1931	1936	1946	1954
1 811	1 687	1 687	1 473	1 470	1 434	1 363	1 403	1 466
1962	1968	1975	1982	1990	1999	2006	2007	2008
1 524	1 408	1 353	1 382	1 424	1 325	1 499	1 471	1 442 1 475
2009	2010
1 414 1 448	1 404 1 438
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 1394 abitants e la densitat èra de 71,86 ab/km².

Demografia Pompiac

Veire a Pompiac (Agenés).

Luècs e monuments

Personalitats ligadas emb la comuna

• Jaume Mouttet reelegit capolier del Felibritge a la Santa Estèla de 2010.

Veire tanben

• Comunas d'Òut e Garona

Ligams extèrnes