Cigne (constellacion)

La constellacion dau Cigne (Cygnus en latin) es una constellacion de l'emisfèri nòrd. Segon la mitologia grèga, representa l'eròi Orfèu que foguèt transformat en cigne e plaçat a proximitat de sa lira.

Constellacion dau Cigne.

Aquela constellacion a una forma caracteristica de crotz e contèn plusors estelas lusentas. En particular, son estela principala, Deneb, fa partida deis estelas pus poderosas que son conegudas a l'ora d'ara amb una massa de 25 massas solaras. Se situa a 1 500 ans lutz. Lo Cigne assosta tanben plusors nebulosas, amàs dubèrts e nebulosas planetàrias. L'amàs dubèrt M39 es relativament aisat d'observar amb un pòrtavista.

Enfin, la constellacion es famosa per la preséncia d'una fònt de raionament X dicha Cygnus X-1. Descubèrta en 1965, es considerada coma un sistèma binari constituit d'una estela e d'un trauc negre dempuei 1971. Foguèt ansin lo premier objècte clarament identificat coma un candidat trauc negre

Liames intèrnes

• Constellacion.

Bibliografia