Ciskei

Ciskei es un bantostan « independent » format per Sud-Africa en decembre de 1981. Dins l'encastre de la logica separatista dau govern d'apartheid, èra un país reservat als Xosas que foguèt pas reconoissut per l'ONU car, en realitat, èra totalament dependent de Sud-Africa. Aviá una superficia de 12 000 km² e sa capitala èra Bisho.

Carta dei bantostans sud-africans dins leis ans 1980.

Sa vida politica foguèt inicialament dominaa per Lennox Sebe qu'establiguèt un regime despotic. En 1990, foguèt reversat per lo generau Oupa Gqozo e Ciskei venguèt una dictatura militara. A partir de 1991, las autoritats deuguèron reprimir l'agitacion organizaa per lo Congrès Nacionau African (ANC) e assajèron de se raprochar de sos adversaris coma lo Partit Conservator de Sud-Africa, l'Inkatha Freedom Party e lo govern de Bophuthatswana (un autre bantostan). Pasmens, en març de 1994, una revòuta generala de la populacion e una mutinariá de la polícia entraïnèron l'afondrament dau bantostan e sa reintegracion al sen dau territòri sud-african.

Ligams internes

• Apartheid.
• Bantostan.

Bibliografia