Ciutat Metropolitana de Castèl

La Ciutat Metropolitana de Castèl (en sard, Tzittadi metropolitana de Casteddu; en italian, Città metropolitana di Cagliari) es una division de la region autonòma de Sardenha que seguís la tendéncia italiana de crear de divisions administrativas de segond nivèl a l'entorn de las màgers ciutats.

La ciutat metropolitana en Sardenha

Istòria

Extension de la ciutat metropolitana en 2016 (jaune) e 2025 (jaune + irange)

Après lo referèndum de supression de las províncias regionalas de Sardenha de 2012 e la creacion de las ciutats metropolitanas, lo govèrn regional prenguèt de decisions atipicas en creant una Ciutat metropolitana redusida a la sola conurbacion. La rèsta de l’anciana província de Castèl jonhèt la província de Sardenha del Sud. Pasmens, una novèla refòrma en 2024 tornèt l'espandida de la ciutat metropolitana gaireben a aquela de l'anciana província de 2001, amb 70 comunas. Venguèt operacionala en julhet de 2025.

Còdes

Lo còde ISTAT de la província de Castèl e de la primièra ciutat metropolitana èra 092 (292). Venguèt 118 (318) en 2025. Lo còde alfabetic es CA, lo còde ISO es IT-CA.