Colomna vertebrala

La colomna vertebrala (var. colomna vertebrau), es un apilament d'òsses articulats sonats vertebras. Es lo supòrt de l'esquina dels vertebrats, en particular dels mamifèrs. En anatomia umana es formada de 24 vertebras articuladas e 9 vertebras soudadas dins lo sacrum e lo coccix. Se situa dins la part dorsala del tronc, las vertebras son desseparadas pels disques intervertebrals. Assosta e apara la mesolha espinala dins lo canal vertebral.

Colomna vertebrala colorada

Anatomia descriptiva

La colomna vertebrala comporta cinc regions, comptant 33 vertebras, devesidas en:

• Vertebras cervicalas (7 vertebras, C1-C7)
• Vertebras dorsalas (12 vertebras, T1-T12)
• Vertebras lombaras (5 vertebras, L1-L5)
• Vertebras sacradas (5 vertebras, S1-S5)
• Coccix (4 vertebras, inconstantas)