Criolita

La criolita es un minerau incolòr a l'estat pur que pòu venir blanc, roge ò brun en preséncia d'impuretats. A una duretat de 2,5-3,0 e una densitat de 2,97. Es format de fluorur de sòdi e d'alumini (simbòl quimic : Na₃AlF₆) cristallizat segon un sistèma monoclinic de classa prismatica. Dins la natura, lei cristaus an un aspècte pseudocubic mai forman sustot de massas microcristallinas compactas. Son esclat es veirenc ò sedós.

Fotografia d'un tròç de criolita.

Se forma dins de pegmatitas a partir de la precipitacion quimica de fluorurs. Es utilizat coma fondent dins lei laboratòris d'esmautariá, dins la fabricacion d'opalinas translucidas e dins la metallurgia d'alumini. Per certaneis aplicacions, especialament per la metallurgia, la criolita naturala es pauc a pauc remplaçat per de materiaus sintetics.

Liames intèrnes

• Fondent.

Bibliografia