Crustacèu

Los crustacèus (Crustacea) son un grop important d'artropòdes, normalament considerats coma un sosembrancament, amb gaireben 68 000 espècias actualas e sens dobte fòrça mai que mancan encara de descriure^[2].

Crustacea

Crustacea

Exemples de crustacés

Classificacion

Règne	Animalia
Sosrègne	Bilateria
Infrarègne	Protostomia
Superembr.	Ecdysozoa
Embrancament	Arthropoda

Sosembrancament

Crustacea
Brünnich, 1772^[1]

Classas de reng inferior

• Branchiopoda
• Cephalocarida
• Malacostraca
• Maxillopoda
• Ostracoda
• Remipedia

Inclutz fòrça animals marins ben coneguts coma la langosta, lo cambaròt, lo cranc, lo bernat ermita e los siblets. I a tanben d'animals d'aiga doça coma la piuse d'aiga o de crustacèus terrèstres, coma lo pòrc de Sant Antòni.

La disciplina scientifica qu'estúdia los crustacèus es la carcinologia amb los sinonims de malacostrologia o crustaceologia.

Estructura dels crustacèus

• Còs devesit en cap, torax e abdomèn mas dins d'unas espècias i pòt aver union dels dos primièrs en un cefalotorax.
• Dos parelhs d'antenas
• Uèlhs compausats
• Respiracion per difusion dins lo còs o branquias
• Còs amb cuirassa de quitina e autras proteïnas
• Necessitat de far de mudas de l'esqueleta extèrna.