Dèuma

Dèuma es una ribièra que cor dins los departaments de Léger e d'Ardecha. Es un afluent de Cança en riba esquèrra, doncas un jos-afluent de Ròse.

Geografia

La longor de son cors d'aiga es de 29,2 . Dèuma pren la sorsa dins lo sud del departament de Léger al Trascòl (Sant Salvador), e se gèta dins la Cança en riba esquerra, a Anonai (curatariá d'Anonai) dins Ardecha. Dèuma es una ribièra del massís del Pilar que travèrsa las comunas seguentas :

• Dins Léger :
  1. Sant Salvador
  2. Burdinhac
  3. Borg d'Argentau

• En Ardecha :
  1. Sant Marcèl d'ès Anonai
  2. Bonluòc
  3. Anonai

Comunas traversadas

Sant Salvador (sorsa), Lo Borg d'Argentau e Burdinhac (la ribièra fa de límit de comunas), Sant Julian-Molin-Moleta (en un desenat de mètres), Sant Marcèl d'ès Anonai, Bonluòc, Davesiu (limit comunal) e Anonai (confluéncia).

Afluents

Sos principals afluents son :

• la ribièra del Ternai (rg) amb lo lac del Ternai lo barratge del Ternai ;
• l'Argental (rg) ;
• lo Riotet (rg).

Idrologia

Dèuma a Sant Julian-Molin-Moleta

Lo debit de Dèuma es estat observat en un periòde de 14 ans (1994-2007), a Sant Julian-Molin-Moleta, localitat del departament de Léger situada a una desena de quilomètres de son confluent amb la Cança a Anonai. Lo bacin versant del riu i es de 109 km² km2, siá mai o mens los dos tèrces d'aquel darrièr, l'important debit del Ternai en essent subretot exclús (0,331 de mejana a Savàs).

Lo modul de la ribièra a Sant-Julian-Molin-Moleta es de 1,44 m3/s.

Dèuma presenta de las fluctuacions sasonièras de debit pro importantas e doas sasons ben marcadas. Lo periòde de las nautas aigas va de l'autom a la prima seguenta, e se caracteriza per de debits mesadièrs mejans qu'oscillan entre 1,67 e 2,65 m3/s, de novembre a mai incluses (amb una cima en decembre que correspond a las pluèjas d'autom). De genièr a mai, lo debit davala fòrça doçament, lo debit del riu rèsta sostengut fins a mai per la fonduda de las nèus. Las bassas aigas se desvolòpan en estiu, de julhet a setembre, amb una baissa del debit mesadièr mejan fins al nivèl de 0,255 m3 al mes d'agost, çò que rèsta pro consistent.

Estivatge o bassas aigas

Als estivatges, lo VCN3 pòt caire fins 0,026 m3, en cas de periòde quinquennal sec, siá 26 litres per segonda, çò qu'es sevèr.

Crescudas

D'autra part los creisses de Dèuma pòdon èsser fòrça importantas, coma es lo cas de gaireben totes los corses d'aiga de la part orientala del Massís central. Los QIX 2 e QIX 5 valon respectivament 26 e 50 m³ m3. Lo QIX 10 se monta a de 66 m³/s m3/s, e lo QIX 20 ne val 81. Pertocant lo QIX 50, non es pas estat calculat fauta de durada d'observacion pro longa per o far amb precision. Es avalorat a una centena de mètres cubics per segonda.

Lo debit instantanèu maximal enregistrat es estat de 116 m³/s m3/s lo 2 de decembre de 2003, mentre que la valor jornalièra maximala èra de 85,4 m3/s lo meteis jorn. En comparant lo primièr d'aquelas chifras a las valors dels diferents QIX de la ribièra apareis qu'aquel creis èra largament superior a la crescuda cinquantennala avalorada, e doncas fòrt excepcionala.

Lama d'aiga e debit especific

Dèuma es una ribièra abondanta. La lama d'aiga escorreguda dins son bacin se monta a 418 millimètres annalament, çò qu'es netament superior a la mejana de l'ensemble de l'estat francés, totes bacins confonduts, mas fòrt inferior pasmens a la mejana del bacin de Ròse (670 millimètres per an a Valença), que beneficia de las precipitacions alpinas e sud-jurassencas sovent extrèmament elevadas. Lo debit especific (o Qsp) de Dèuma atenh 13,2 litres per segonda e per quilomètre cairat de bacin.

Vejatz tanben

• La lista de las ribièras d'Occitània
• Cança
• Ròse
• lista dels cors d'aiga de l'Ardecha