Diprotodontia

Los Diprotodontes son lo grop mai representat de mamifèrs marsupials. Se despartisson en dètz familhas comportant 117 espècias :

• Acrobatidae (acrobata)
• Burramyidae (possum pigmèu)
• Macropodidae (Cangoró, wallabi)
• Petauridae (possum raiat, etc.)
• Phalangeridae (coscós, etc.)
• Phascolarctidae (Coalà, etc.)
• Potoroidae (rat-cangoró)
• Pseudocheiridae (falanger de la coa anelada)
• Tarsipedidae (mirga de mèl)
• Vombatidae (wombat)

Diprotodontia

divèrs diprotodontes

Classificacion

Règne	Animalia
Embrancament	Chordata
Sosembr.	Vertebrata
Superclassa	Tetrapoda
Classa	Mammalia
Coòrta	Marsupialia
Superòrdre	Australidelphia

Òrdre

Diprotodontia
Owen, 1866

Lor caracteristica principala es qu'an pas qu'un sol parelh d'incisivas largas sus la maissa inferiora. D'autra part los dets 2 e 3 de lors membres posteriors son completament fusionats a l'excepcion de las àrpias, son sindactils.

La màger part dels diprotodontes an 3 parelhs d'incisivas sus la maissa superiora mas los Vombatidae n'an pas pus qu'una. Las caninas inferioras son absentas alara que las caninas superioras son variablas en talha e en forma.

La majoritat dels Diprotodontes es erbivòra, d'unes son venguts segondàriament d'insectivòrs e d'autres se noirisson de saba et de nectar.

Origina

Los Diprotodontes èran los pus grands dels Marsupials qu'aguèssen jamai existit. Visquèron entre -1,6 milions d'annadas (Ma) e - 50 000 ans (durant la mai granda partida del Pleïstocèn). S'es trobat de fossils de Diprotodon spp. en divèrses luòcs d'Austràlia, amb de crans e d'esqueletas completas, de pèls e d'emprentas de patas. Mai d'una esqueleta de femèlas son estadas retrobadas amb lo de son pichon lotjat dins la pòcha marsupiala.

Vivián dins los bòsques, las pradas, probable en demorant prèp dels punts d'aiga. Manjavan de fuèlhas, d'arbustes e qualques èrbas. Lo pus grand d'entre eles èra de la talha d'un ipopotam : environ 3 m del nas a la coa e 2 m al garròt. Sos descendents mai pròches son los Wombats e los Coalas. Òm imagina que los Diprotodontes son a l'origina del mite del Bunyip (esperit o diable aborigèn).

Ligams extèrnes

• Referéncia Fauna Europaea : Diprotodontia (en)
• Referéncia ITIS : Diprotodontia Owen, 1866 (fr) (+ version anglesa (en))
• Referéncia Animal Diversity Web : Diprotodontia (en)
• Referéncia NCBI : Diprotodontia (en)