Edmund Allenby

Edmund Allenby (23 d'abriu de 1861, Brackenhurst - 14 de mai de 1936, Londres) es un mareschau britanica de la Prumiera Guerra Mondiala.

Edmund Allenby en 1917.

Intrat dins l'armaa britanica en 1880, participèt a plusors expedicions colonialas en Africa, en particular la Guerra dei Boers de 1899-1902. En 1914, èra lo comandant de la division de cavalariá mandada en França dins lo quadre de la British Expeditionary Force (BEF). Puei, venguèt chef dau 5^en còrs en 1915 e de la III^a armaa en 1916. En junh de 1917, foguèt nomat comandant de las fòrças britanicas de Palestina. Inicièt un ensemble d'ofensivas còntra las tropas germanootomanas e prenguèt Jerusalem, Damasc e Alèp. Aquò entraïnèt la destruccion de la màger part de l'armaa otomana e l'Emperi acceptèt de signar l'armistici de Mudros – una quasi capitulacion – en octòbre de 1918.

Après lo conflicte, Allenby foguèt nomat mareschau en 1919 e aut comissari en Egipte. I demorèt dinque a 1925 e tenguèt un ròtle important dins la gestion de plusors questions politicas tochant la region. En particular, participèt a la redaccion dau tractat de 1922 que reconeguèt l'independéncia egipciana. Se retirèt en 1925.

Ligams internes

• Prumiera Guerra Mondiala.

Bibliografia

• (en) C. Brad Faught, Allenby: Making the Modern Middle East, Londres, I.B. Tauris/Bloomsbury, 2020.