Exercici Able Archer 83

L’exercici Able Archer 83 es un exercici militar menat entre lo 7 e lo 11 de novembre de 1983 per l'OTAN en vista d'entrainar sos centres de comandament militars a las proceduras d'utilizacion de l'arma nucleara. Lo niveu de realisme de l'exercici e un contexte internacionau conflictau (invasion de Grenada, crisi dels euromissils, etc.) inquietèron fòrça una partia de l'estat-major sovietic. Plusors unitats de l'Armaa Roja foguèron plaçaas en estat d'alerta per se preparar a una ataca eventuala de l'OTAN. La situacion se normalizèt rapidament après lo 11, mas las fòrças nuclearas sovieticas demorèron en alerta durant plusors mes.

Aquel incident es considerat coma una de las crisis mai grevas de la Guerra Freja. Los Sovietics metèron en plaça l'operacion RYAN en vista de collectar d'informacions sus las intencions dels dirigents estatsunidencs. Los Estatsunidencs descurbiguèron pauc a cha pauc l'amplor de la reaccion sovietica e l'incident auriá permés de facilitar las discussions de la fin dels ans 1980 sus lo contraròtle dels arsenaus nuclears de las doas superpoténcias.

Ligams internes

• Guerra Freja.

Bibliografia

• (en) Taylor Downing, 1983: Reagan, Andropov, and a World on the Brink, Da Capo, 2018.
• (en) Beth A. Fischer, The Reagan Reversal Foreign Policy and the End of the Cold War, University of Missouri Press, 2000.