Lockheed Martin F-117 Nighthawk

Lo Lockheed Martin F-117 Nighthawk es un avion d'assaut estatsunidenc concebut a partir de la segonda mitat deis ans 1970 e intrat en servici en 1983. 64 exemplaris foguèron produchs. Premier avion de l'istòria estudiat per aver una furtivitat maximala, aviá un aspècte inabituau amb de formas triangularas e de revestiments negres destinats a redurre leis ondas rebutadas per l'aparelh. Participèt a de mission nuechencas durant l'invasion de Panamà en 1989, la guèrra de Kuwait en 1991, la guèrra de Kosova en 1999 e l'invasion d'Iraq en 2003. Pasmens, sei capacitats furtivas foguèron questionadas après la pèrda d'un aparelh abatut per la defensa antiaeriana sèrba en 1999. De mai, sei formas particularas limitavan sa manobrabilitat e plusors accidents entraïnèron la pèrda de sièis avions. En 2008, lo F-117 foguèt donc retirat dau servici, mai la màger part deis exemplaris foguèron conservats per de tèsts ò per de missions d'entraïnament. En 2020, foguèt donc possible de tornar metre en servici 48 exemplaris.

Un F-117 en 2002.

Liames intèrnes

• Avion d'assaut.

Bibliografia

• (fr) « 100 armes qui ont fait l'histoire », Guerre et Histoire, Hors série n°1,‎ julhet de 2016, pp. 60-71.