Festenal Occitània
From Wikipedia, the free encyclopedia
Remove ads
L'Institut d'Estudis Occitans de Nauta Garona (IEO 31) organiza cada an lo Festenal Occitània amb un seissantenat de pertenaris, pendent tot lo mes d'octobre, a Tolosa e dins sa region. Lo Festenal Occitània, creat en 2000, a per tematica màger dempuèi 2002 «Los Orients d’Occitània ». Càmbia a partir de 2008, per se dobrir sus "l'Entre duas Mars".
Aquesta manifestacion es nascuda de la volontat de :
- Permetre a la creacion contemporanèa occitana, totas disciplinas confondudas, de rencontrar lo public mai larg. En efièch, dempuèi un desenat d'annadas, la creacion a l'entorn de la cultura occitana fa pròva d'una inventivitat susprenenta e d'un professionalisme remirable. Lo Festenal Occitània vòl èsser un esplech de difusion per aquesta creacion, tant sul plan nacional coma internacional.
Aquesta desmarcha s'adreça tanben a las estructuras professionalas de programacion culturala.
- Metre en evidéncia los ligams de la cultura occitana amb las autras culturas. Las culturas coneisson pas de frontièra, las influéncias recipròcas son constantas e quitament necessàrias a la vitalitat de caduna d'entre elas. O mostrar, es participar a la coneissença, e quitament a la compreneson de l'Autre dins un esperit de dobertura maximala, es s'autorizar una vision apasimada de la diversitat culturala.
Remove ads
Ligam extèrne
Wikiwand - on
Seamless Wikipedia browsing. On steroids.
Remove ads