Filippo Brunelleschi

Filippo di Ser Brunellesco Lapi, conegut coma Filippo Brunelleschi (nascut a Florença en 1377 e mòrt lo 15 d'abril de 1446), foguèt un grand arquitècte florentin de la Renaissença italiana. Sas òbras mai famosas se tròban totas a Florença. Son cap d'òbra es la nauta copòla de basa octagonala del Dòma de la catedrala de Santa Maria del Fiore, que foguèt acabada en 1434, la primièra immensa copòla quilhada en Itàlia dempuèi l'antiquitat. Per l'execucion de son trabalh, lo patronatge de la familha Médicis foguèt indispensable, en particular lo de Cosme lo Vièlh.

Filippo Brunelleschi
Biografia
Naissença	1377 Florença
Mòrt	15 d'abril de 1446

En 1415, elaborarèt a Florença la teoria de la «perspectiva matematica».