Fònt cauda

Una fònt cauda es una fònt que son aiga es caufada per un procès geotermic. Segon lei país e leis organizacions, de definicions pus precisas existisson e considèran la temperatura de l'aiga o la temperatura de l'environament de la fònt coma un critèri de determinacion. Que que siegue lo referenciau chausit, plusors tipes de fònts caudas existisson coma lei gueisèrs o lei lònas de fanga. Presentan de condicions de vida fòrça particularas que favorizan lo desvolopament d'organismes extremofils adaptats a la temperatura e de còps a d'autrei condicions malaisadas (pH, preséncia de compausats quimics normalament toxics, etc.).

Fònt cauda dau Grand Prismatic Spring al Pargue Nacional de Yellowstone.

Lei fònts caudas son l'objècte d'una esplecha umana atestada dempuei l'Antiquitat car seis aigas pòdon aver d'efiechs positius per la santat. Aquò es a l'origina dau termalisme. Uei, divèrsei fònts caudas son tanben utilizadas coma fònt d'energia dins lo quadre de procès geotermics. Fau tanben nòtar l'interès toristics de mai d'una fònt cauda (Yellowstone, gueisèrs islandés, etc.).

Liames intèrnes

• Gueisèr.
• Termalisme.

Bibliografia

• (en) Don L. Leet, Physical Geology, Englewood Cliffs (New Jersey), 6^a edicion, Prentice-Hall, 1982.