Franck Ribéry (o Franck Bilal Ribéry idem Bilal Yusuf Mohamed dempuèi sa conversion a l'Islam) es un jogaire de fotbòl francés nascut lo 1 d'avril de 1983 a Bolònha de Mar[1]. Es dempuèi la sason 2007 dins lo club alemand de Bayern qu'es dins la vila de Munic. Foguèt un jogaire per l'equipa occitana de Marselha, l'Olimpic de Marselha pendent los sasons 2005 e 2006.
Mainatge de Boulogne-sur-Mer, es victima d'un accident d'auto a l'edat de dos ans. Passa per mantun club de Nacional (3na division) abans de se revelar al mai naut nivèl sustot al FC Mètz puèi a l'Olimpic de Marselha. En 2007, signa al Bayern Munic ont ven plan lèu l'estela de l'equipa. Son estil de jòc percutent e son eficacitat per un alièr (partejada amb son parion Arjen Robben) ne fan l'un dels menaires del club alemand amb lo qual realiza sustot un "quintuplé" pendent l'annada 2013 en emportant cinc títols dont la Liga dels campions. Escaissat «Kaiser Franck», es l'un dels jogaires mai titolats de l'istòria de la Bundesliga. A l'edat de 36 ans, quita Bavièra après dotze ans de capitadas per rejónher Itàlia, primièr a la Fiorentina puèi la Salernitana ont son passatge es perturbat per mantuna nafra. Met fin a sa carrièra en octobre de 2022.
