Furçac (Sent Peir)

Toponimia

Las atestcions ancianas son, per luec:

Furçac (Sent Peir) - Ecclesia sancti Petri de Furciaco vers 1125; Vicus qui dicitur Fursacus au segle XII; Ad mansuram de Vader (pour Brider) … in tota decima sua parrochia de Furssac en 1253; Capellanus sancti Petri de Fursac au segle XIV; La parr. de S. Pierre de Furssac en 1346; Sur les mas de Trepschassou de la paroche de Saint Pierre de Fursac … sur les tenues et biens de Nic… en 1403; Burgus de Fursaco en 1457; Saint-Pierre-de-Fursac en 1539; Pierre de Fursac (St) en 1844; Saint-Pierre-de-Fursac en 1882^[2].

Remove ads

Toponimia

Sent Peir o -Pèir es l'evolucion normala en occitan de l'oèst (gascon, lemosin, agenés...) de Sanctus Petrus (l'apòstre). Pus a l'èst, se ditz Sent (sant) Peire (Pèire).

Per Furçac, l'exemple dau vilatge besson, Furçac (Sent Estefe) pòt servir.

I a divèrsas atestacions ancianas per Sent Estefe de Fursac :

Ferruciaco, Ferrucia, Firruciac (monedas, sègle VII);
Vicaria Firciacense (charta de l'an 960),
Ecclesia sancti Stephani de Furciaco (cartulari de Benavent, vèrs 1090);
Parrochia Sancti Stephani de Fursac (acte de 1250);
Parrochia Furciaci-inferioris (colleccion Gaignières, tòme 186, p. 123, 1264);
Ecclesia beati Stephani de Fursat (cartulari O. Domina, p. 70 vo, archius de la Nauta Vinhana, 1292);
Burgus de Fursaco (Pierre d'Hozier, registre III, genealogia de Chamboran(t), p. 42, 1457);
Fursac (registre de Guarin, 1539-1542).

Pendent la Revolucion, la comuna de (Sent Peir de) Furçac portèt oficialament, de nivôse de l'an II à vendémiaire de l'an V, lo nom de Fursac-Libre ^[3].

Las etimologias fantasiosas an pas mancat e an sistematicament negligit las atestacions pus ancianas, las del sègle VII. Segon l'abat Louis Dubreuil, Fursac tira son etimologia de Forum sacrum > Forsac > Fursac, es a dire luec sacrat, vila santa, çò qu'indicava que Furçac èra un centre de devocion. Una autra suggestion pretend que Fursac (fursa) ven de fur (« direccion » en germanic) e sa (« ciutat ») siá la ciutat de las direccions (7 direccions a Furçac)...

Es pus rasonable de creire qu'es coma los autres noms en -ac, format d'un nom de propietari gallo-roman e dau sufixe celtic -*ako, latinizat en -acum. Adara, demòra a trobar lo nom de persona.

Las tres atestacions dau sègle VII fan pensar aus divèrs Ferruçac : Ferruçac (Naut Léger), Ferruçac (Tarn e Garona), un autre près de Sent Maurin (Òut e Garona). Lo nom s'explica per Ferucius o Ferrucius segon Dauzat e Rostaing ^[4], a prepaus dau vilatge dau Naut Léger, per Ferrucius segon Paul Burgan e André Lafon ^[5], a prepaus del vilatge de la comuna de Recacòrn, per Ferruntius segon Ernèst Negre e los Féniés ^[6] per lo mesme vilatge. Lo passatge de *Ferruçac a Furçac se pòt explicar de doás faiçons :

*Ferruçac > *Firruçac > *Firçac > Furçac (veire las atestacions Firruciac e Vicaria Firciacense);
*Ferruçac > *Fruçac > Furçac (metatèsi de -r-); mas la prumièra explicacion es pus simpla e s'apieja sus las fòrmas ancianas.

La grafia Fursat de 1292 mòstra que la finala -ac fuguèt modificada en -at (t es una oclusiva sorda coma c), abans l'amudiment de la consonanta. I a plan de comunas lemosinas o auvernhassas que lor nom oficial es en -at, eretièr de -acum. Se tròba enquera d'exemples de noms en -ac prononciats -at en Gironda, Òut e Garona, etc.

Remove ads

Administracion

Lista daus maires

Mai d'informacions Periòde, Identitat ...

Lista daus maires successius
Periòde	Identitat	Etiqueta	Qualitat
març 2014	31 de decembre 2016	Thierry Dufour	PCF	agent tecnic
març 1983	2001	Gaston Peyretout	aparentat PCF	portaire
març 1959	1983	Marc Geoffre		menusier
	1959
Totas las donadas non son pas encara conegudas.