Fusada

Una fusada es en astronautica un veïcul capable de daissar l'atmosfèra terrèstra e de ganhar l'espaci gràcia a un motor de fusada en emportant a l'encòp lo combustible e lo comburant necessaris a son fonccionament. Las pus gròssas fusadas construchas, coma Saturn V, permeton de plaçar fins a 150 tonas en orbita bassa.

Enlairament de la fusada Saturn V de la mission Apollo 11

La sciéncia de las fusadas foguèt teorizada pel rus Constantin Tsiolkovski a la fin del sègle XIXen e mesa en pratica tre 1935 per Hermann Oberth, puèi desvolopada per los cercaires alemands dins una tòca militara per la concepcion dels V1 puèi dels V2 durant la Segonda Guèrra Mondiala. A comptar de la fin de las annadas 1950, las fusadas son estadas utilizadas per metre en orbita de satellits a de fins comercialas o de recerca, mandar de sondas espacialas cap a las autras planetas del sistèma solar e mandar d'òmes dins l'espaci. La tecnologia de las fusadas a pas gaire evoluït dempuèi la fin dels ans 1960.