Gérard Nicoud
From Wikipedia, the free encyclopedia
Remove ads
Gérard Nicoud, nascut en Occitània lo 5 de març de 1947 a Marselha (Provença), es estat entre 1970 e 1984 lo dirigent del sindicat francés CIDUNATI, la Confederacion intersindicala de defensa e d'union nacionala dels trabalhaires independents.
Biografia
En 1967, trabalha en França sus Lion, puèi en decembre de 1968, obrís un estanquet dins lo Daufinat del Nòrd, a La Bâtie-Montgascon (entre Grenòble e Lion).[1]
En genièr de 1969, es cargat per un grop de comerçants e d'artisans malcontents de la novèla lei sus l'assegurança malautiá obligatòria de redigir, de far signar e de portar una peticion al sosprefècte de La Tor dau Pin.
En mens de tres meses, ambe una reünion d'informacion per jorn abans una granda acampada a Grenòble qu'a amassat 10 000 personas, a capitat a recampar mai de 15 000 signaturas per sa peticion : fonda alavetz lo CID (Comitat d'Informacion e de Defensa) que ven en 1970 lo CIDUNATI.
En 1984, l'activitat del sindicat baissa, ne quita la direccion,[2] pasmens se presenta sus una lista a las eleccions europèas de 1984, la lista de l'Union dels Trabalhaires Independents per la Libertat d'Entrepresa (UTIL), ambe entre autres coma colistièr Pèire Pojada.[3]
A la debuta de las annadas 1990, fòrça aderents del CIDUNATI dont el meteis prenon lors distàncias e fondan alavetz la CEDI, la Confederacion europèa dels independents.
Remove ads
Referéncias
Wikiwand - on
Seamless Wikipedia browsing. On steroids.
Remove ads