Gas perfiech

Un gas perfiech (var. gas perfièch, gas perfièit) es un modèl termodinamic de gas que negligís leis interaccions intermolecularas au sen dau gas (levat lei collisions) e que considera coma negligible lo volum ocupat per lei moleculas de gas a respècte dau volum dau recipient contenent lo gas. Es donc un concèpte fòrça adaptat per descriure lo comportament d'un gas reau somés a de pressions bassas.

Desvolopat a partir dau sègle XVII, aqueu modèl es fondat sus l'observacion experimentala de gas. Foguèt formalizat durant lo sègle XIX e es liat a la lèi dei gas perfiechs formulada per lo premier còp en 1834 per lo fisician francés Émile Clapeyron (1799-1864) :

${\displaystyle pV=nRT}$

Amb p la pression, V lo volum, n la quantitat de matèria, R la constanta dei gas perfiechs e T la temperatura.