Gerard Goiran

Gerard Goiran (en francés: Gérard André Gouiran; Lo Rove, Provença, 3 de novembre de 1945 - Lo Martegue, 14 de mai de 2025) foguèt un ensenhaire, occitanista e medievista occitan. Especialista de l'occitan de l'Edat Mejana, dels trobadors e subretot de Bertran de Bòrn, foguèt un actor clau de l'occitanisme e dels estudis d'occitan a l'Universitat Pau Valèri e endacòm mai.

Presentèt en 1985 una tèsi en lingüistica romanica, L’Amour et la guerre. L’œuvre de Bertran de Born jos la direccion de Raymond Arveiller a Ais de Provença. Foguèt lo primièr president del CAPES d'occitan.

Òbras

• Europe des Trobadors coescrich amb Miquèla Stenta (1993)
• Études sur la littérature occitane du Moyen Âge tòm I (2016)
• Études sur la littérature occitane du Moyen Âge. Tome II (2021)