Giorgio de Chirico

Giorgio de Chirico (10 de julhet de 1888 - 20 de novembre de 1978) foguèt un pintor italian, nascut en Grècia.

De Chirico foguèt lo creator de la pintura metafisica, qu'influencièt mai tard lo surrealisme. Sas òbras mai famosas presentan d'imatges onirics, poblats de portics romantics, d'ombres, de manequins, de trens e de perspectivas illogicas. Faguèt partida del movement surrealista fins a 1926.

Amb lo temps, s'alunhèt de l'art modèrna, estudièt las tecnicas de pintura tradicionalas e trabalhèt puèi dins los estils neoclassics e neobaròcs, en tornant frequentar los tèmas metafisics de sas primièras òbras.