Giraffa camelopardalis

La girafa es un mamifèr ongulat artiodactil e romiaire, originari de las savanas africanas e present de Chad fins a Sud-Africa. Lo mot girafa ven de l'arabi zarâfa. Après de milions d'annadas d'evolucion, la girafa a acquesit una anatomia unica amb un còl particularament alongat que li permet especialament de pàisser naut dins los arbres.

Giraffa camelopardalis

Mascle de la sosespècia G. c. angolensis.

Classificacion

Règne	Animalia
Embrancament	Chordata
Classa	Mammalia
Òrdre	Artiodactyla
Familha	Giraffidae

Genre

Giraffa
Brünnich, 1771

Nom binominal

Giraffa camelopardalis
(Linnaeus, 1758)

Sinonims

• Cervus camelopardalis Linnaeus, 1758
  (protonim)

Reparticion geografica

Estatut de conservacion UICN

VU  : Vulnerable

Nòu populacions, que se destrian de per sas ròbas e formas, son estadas descritas pels naturalistas dempuèi lo sègle XIX parfois coma espècias a part entièra, mas generalament consideradas coma simplas sosespècias fins al sègle XXI. Pr'aquò la taxonomia de las girafas es a l'ora d'ara debatuda pels scientifics.

L’espècia es considerada coma vulnerabla per l'UICN^[1] : i aviá 155000 individús en 1985 e i a pas pus que 97 000 en 2015^[2], siá una demesida de prèp de 40 % en 30 ans^[3].

Lista de las sosespècias[4]

Tres girafas dins la savana africana

• Giraffa camelopardalis camelopardalis Linnaeus, 1758.
• Giraffa camelopardalis reticulata De Winton, 1899.
• Giraffa camelopardalis rothschildi Lydekker, 1903.
• Giraffa camelopardalis thornicrofti Lydekker, 1911.
• Giraffa camelopardalis tippelskirchi Matschie, 1898.
• Giraffa camelopardalis giraffa von Schreber, 1784.