Grop Intergovernamental sul Cambiament Climatic

Lo Grop Intergovernamental sul Cambiament Climatic (GICC) es un organisme intergovernamental de las Nacions Unidas, dedicat a porgir al monde una vision objectiva e scientífica del cambiament climatic, dels seus impactes e risques naturals, politics e economics, e de las opcions de responsa possiblas.

Lògo del GICC, en anglés: Intergovernmental Panel on Climate Change

Lo GICC foguèt fondat en 1988 per l'Organizacion Meteorologica Mondiala (OMM) e lo Programa de las Nacions Unidas per l'environament e posteriorament foguèt aprovat per l'Assemblada Generala de las Nacions Unidas. L'adesion es dobèrta a totes los membres de l'OMM e de l'ONU. Lo GICC produtz de rapòrts que contribuisson al trabalh de la Convencion cadre de las Nacions Unidas sul cambiament climatic (UNFCCC), lo principal tractat internacional sul cambiament climatic. L'objectiu de la UNFCCC es "d'estabilizar las concentracions de gases d'efièche de serre dins l'atmosfera a un nivèl qu'evite l'interferéncia antropogenica (provocada per l'òme) perilhosa amb lo sistèma climatic".