Grop Locau

Lo Grop Locau es lo grop de galaxias de la Via Lactèa. D'un diamètre d'aperaquí 10 milions d'ans lutz, sembla constituït per un seissantenau de galaxias. L'expression foguèt probablament inventada per l'astronòm alemand Walter Baade (1893-1960) dins una publicacion de 1935. Puei, l'expression foguèt popularizada per Edwin Hubble (1889-1953). A l'origina, 8 galaxias dau Grop èran conegudas mai, après plusors descubèrtas, 38 galaxias èran estadas identificadas en 2000.

Lo Grop Locau es compausat de doas galaxias principalas que son la Galaxia d'Andromèda e la Via Lactèa. L'influéncia gravitacionala d'aquelei doas galaxias an entraïnat la formacion de dos sosgrops :

• a l'entorn de la Via Lactèa, orbitan lei dos Nívols de Magellan e lei galaxias nanas dau Grand Can, dau Sagitari, de la Pichona Orsa, dau Drac, de la Carena, dau Sextant, de l'Escultor, dau Forn, dau Lion I, dau Lion II, dau Fènix e dau Boièr.
• a l'entorn de la Galaxia d'Andromèda, orbitan M32, la Galaxia dau Triangle (M33), M110, NGC 147, NGC 185, Andromeda I, Andromeda II, Andromeda III, Andromeda IV e Andromeda V. La Galaxia dau Triangle es una galaxia espirala qu'es la tresena pus importanta dau Grop Locau. Tèn probablament la galaxia nana dei Peis coma satellit.

Leis autrei galaxias dau Grop Locau son gravitacionalament independentas d'aquelei dos sosgrops.

Liames intèrnes

• Galaxia.
• Galaxia d'Andromèda.
• Via Lactèa.

Bibliografia