Guèrra de Succession de Polonha

La Guèrra de Succession de Polonha foguèt un conflicte europèu major que se debanèt de 1733 a 1738. Foguèt causat per la lucha per lo tròne de Polonha entre Stanislaw Leszczynski e August III. Cada pretendent èra sostengut per de poissanças estrangieras entraïnant un conflicte sus lo continent europèu entre seis aliats subretot entre França e Àustria. Ansin, se formèt una coalicion gropant França, Espanha e Sardenha que sostenguèt Stanislaw Leszczynski e que s'opausèt a la coalicion dei partisans d'August III formada de Russia, d'Àustria, de Prússia e de Saxònia.

Guèrra de Succession de Polonha
Informacions generalas
Data	1733-1738
Luòc	Polonha, region de Ren, nòrd d'Itàlia
Eissida	Tractat de Viena
Belligerants
Partisans de Stanislaw Leszczynski França Espanha Sardenha	Partisans d'August III Empèri Rus Àustria Prússia Saxònia
Pèrdas
50 400 mòrts e bleçats 7 200 mòrts e bleçats 3 000 mòrts e bleçats	32 000 mòrts e bleçats 3 000 mòrts e bleçats 1 800 mòrts e bleçats

La guèrra s'acabèt per una patz negociada de 1735 a 1738. August III venguèt rèi de Polonha mai França aprofichèt sa victòria militara còntra Àustria per installar Stanislaw Leszczynski coma senhor de Lorena e obtenir lo drech d'annexar la region après sa mòrt. Àustria obtenguèt lo ducat espanhòu de Parma mai deguèt reconóisser la dominacion de Carles III d'Espanha sus lo sud de la Peninsula Italica.