Guion II d'Auvèrnhe

Guion II d'Auvèrnha,^[1] filh dau comte Robèrt IV d'Auvèrnhe e de Matilda de Borgonha, fuguèt comte d'Auvèrnhe de 1194 a 1222^[2].

Independant e teoricament aliat de l'Angatèrra, la premièra fasa de son règne fuguèt marcada per 'na expansion territoriala per son maridatge amb Peronela de Chambon, que li permetèt de restachar Combralha situada a l'èst de la ribèira Cruesa, au comtat d'Auvèrnhe. La segonda part de son règne fuguèt la dau conflicte politic e militar tre 1196 amb son vesin lo rei de França Felip August mas tanben la de sa participacion a la crosada contre los albigés.

Après plusors annadas de guèrra amb lo rei de França, 'na granda part d'Auvèrnhe z-es annexada en seguida dau sètge de Tornoèl en decembre de 1213. La darrièra fasa de son règne fuguèt la d'una desintegracion territoriala : la màger part d'Auvèrnhe z-es annexada, mentre qu'un darrièr tròç dau comtat es daissat independant dins las mans de Guion II, la Comtat e dont la capitala ont setjarà lo comte Guion II serà Vic la Còmte.

[1]

[2]