Holodomòr

Lo famina d'Ucraïna (1932–1933),^[1][2] o lo Holodomòr (en ucraïnian: Голодомо́р, mot bastit a partir de голод, «fam, talent», e del vèrb морити «morir»), foguèt una de las catastròfas mai importantas de l'istòria modèrna, amb la perdia de millions de vidas umanas.

Khàrkiv, 1932

Se debanèt dins la Republica Socialista Sovietica d'Ucraïna e Coban, doas regions de populacion majoritàriament ucraïniana. Après la capitada de la collectivizacion al començament de los ans 1930, lo govèrn sovietic decidiguèt de n'acabar amb lo nacionalisme ucraïnian ^[3][4] en provocar la famina (confiscacion de recòltas e quitament d'aliments). Moriguèron aperaquí 5 milions d'ucraïnians, un quart gaireben del pòble ucraïnian.^[5]

Los cazacs patiguèron tanben^[5] d'aquela politica de «genocidi abans russificacion» de l'Estat sovietic. La despopulacion d'Ucraïna e de Coban permetèt una colonizacion russa qu'es utilizada per Russia dins los conflictes del començament del sègle xxi en Ucraïna e al Nòrd del Caucàs.

Aficha de Leonid Denysenko sus Holodomòr (2009)

Lo 28 de novembre de 2006, lo Parlament d'Ucraïna aprovèt una proposicion de lei que declarèt aqueste periòde de fam forçada foguèt un acte de genocidi contra lo pòble ucraïnian. En 2008, lo Parlament Europèu reconeguèt l'Holodomòr coma un crim contra l'umanitat, en jutjar que s'agissiá d'una famina provocada e d'un «crim contra lo pòble ucraïnian e contra l'umanitat».

Las regions mai en negre son las pus tocadas per la famina (indici d'una abséncia de la familha comunautària exogama de tipe rus)

Mapa dels Estats que reconeguèron lo Holodomor coma genocidi (blau escur)