Illa de Baffin

L'Illa de Baffin (Inuktitut: ᕿᑭᖅᑖᓗᒃ, Qikiqtaaluk, es una de las illas de l'Archipèla Artic Canadian, dins lo territòri de Nunavut. Es la pus granda illa de Canadà e la cinquena al mond, amb una superfícia de 507 451 km². La populacion èra de 11 000 abitants en 2004. Foguèt nomenada del nom de l'explorator britanic William Baffin. L'illa èra ja coneguda pels Vikings coma Helluland.

Còsta de l'Illa de Baffin

Geografia

La capitala de Nunavut, Iqaluit, es localizada sus la còsta sud. Fins a 1987, la vila partejava lo nom de Frobisher Bay amb la baia del meteis nom ont es localizada.

Al sud se trapa l'Estrech d'Hudson e Quebèc sul continent. A l'èst se tròban l'Estrech de Davis e la Baia de Baffin e enfin Groenlàndia. A l'oèst e al nòrd, lo Bacin de Foxe, lo Golf de Boothia e l'Estrech de Lancaster desseparan l'Illa de Baffin de la rèsta de l'archipèla.

Sus l'illa se tròba una region montanhosa que son truc pus naut es la Tèsta Blanca (2146 m). Un autre somal de senhalar es lo Mont Asgard (2011 m) qu'es situat dins lo Pargue Nacional d'Auyuittuq.