Jânio Quadros

Jânio da Silva Quadros, professor de portugués e de drech, avocat e òme politic, foguèt president de Brasil entre lo 31 de genièr e lo 25 d'agost de 1961.

Jânio Quadros
Biografia
Signatura

Biografia

Nasquèt lo 25 de genièr de 1917 dins la vila de Campo Grande, actualament capitala de l'estat de Mato Grosso do Sul. Se graduèt en Drech a l'Universitat de São Paulo e, abans d'èsser politic, foguèt professor de lenga portuguesa al Collègi Dante Alighieri, situat dins la vila de São Paulo. Foguèt tanben professor de Drech Processal Penal a la Facultat de Drech de l'Universitat Mackenzie, tanben dins la vila de São Paulo.

Comencèt en la vida politica coma vereador (conselhièr municipal) del Partit Democrata Crestian, entre los ans 1948 e 1950, après que totes los membres del Partit Comunista de Brasil perdèron los sieus dreches politics. D'aquesta manièra, Jânio Quadros, qu'atenguèt pas d'èsser elegit, li calguèt èsser convocat. Après, foguèt elegit deputat estatal (1951-1953), prefècte de la vila de São Paulo (1953-1954), e governador de l'estat de São Paulo (1955-1959). Foguèt elegit coma president de la Republica en 1960 e assumiguèt lo poder lo 31 de genièr de 1961.

S'es demés durant son 7^en mes de govèrn. Lo resultat de sa demission foguèt una grèva crisi politica: los militars s'opausèron al passatge del govèrn al vicepresident, João Goulart, considerat un simpatizant del comunisme. La fin de la crisi foguèt l'implantacion del parlamentarisme en Brasil, durant lo començament del govèrn de Goulart.

• Portal de Brasil

Precedit per Juscelino Kubitschek

President de Brasil 31 de genièr - 25 d'agost de 1961

Seguit per Ranieri Mazzilli interin