Joan-Claudi Forêt

Joan-Claudi Forêt (en francés Jean-Claude Forêt; 6 de mai de 1950 a Lion) es un escrivan e universitari occitan contemporanèu.

Biografia

Joan-Claudi Forêt nasquèt a Lion en 1950. Descobriguèt l'occitan e s'afoguèt per aquesta lenga en Ardecha ont anava quand èra adolescent. Faguèt los estudis a la facultat de letras de Lion abans de se dirigir cap a l'ensenhament. Es actualament professor a l'Universitat de Montpelhièr ont ensenha l'occitan aprèp èsser estat fòrça temps professor de francés a Chamonix e puèi a Montpelhièr tre 1993. Participèt a la fondacion de las edicions Jorn que i participa encara amb Joan Pau Creissac e Felip Gardy.

Sos escriches se fan en doas varietats d'occitan, un tipe septentrional ligat al país ardechés e tanben de lengadocian. Son interès per la lenga grèga, que domina plan, lo portèt a revirar divèrses poètas d'aquel país coma Constantin Cavafis o Georges Seferis que foguèron publicats dins La Revista Occitana. Mantas de sas òbras recebèron de prèmis coma lo Prèmi Pau Froment de Pena d'Agenés o lo Prèmi Antigòna de la Vila de Montpelhièr.

Lo sieu roman Sang e saba es estat revirat al catalan.^[1]

Es membre del Grop de Lingüistica Occitana e del conselh lingüistic del Congrès Permanent de la Lenga Occitana.

Bibliografia

Romans

• La pèira d'asard (IEO, A Tots, 1990).
• Lo libre dels grands nombres o falses e us de fals (El Trabucaire, 1998).
• Sang e saba (El Trabucaire, 2005).

Racontes

• Tres pòbles de la lòna (2006)

Poesia

• Cants de l'ochava, Òc, (2000)
• Un grand eissam de mots, Edicions EMCC (2013)

Traduccions

• Cinquanta cinc sonets de Shakespeare, L'aucèu libre (2018)

Traduccions dins d'autras lengas

• Sang i Saba, Edicions de 1984 (2024). Traduccion del roman Sang e Saba al catalan.^[1]

Prèmis

• Prèmi Pau Froment en 1991 per La pèira d'asard
• Prèmi Antigòna en 2000 per Lo libre dels grands nombres o falses e us de fals