Joan de Lugio

Joan de Lugio es, vèrs 1230-1240, lo pensaire màger del catarisme, dins l'escòla del dualisme absolut (que se distinguís del dualisme mitigat de la comunautat de Concorezzo).

Joan de Lugio

Biografia
Naissença	sègle XII Bergam
Mòrt	sègle XIII
Donadas personalas
Residéncia	Desenzano del Garda
Religion	catarisme
Activitat
Ocupacion	líder religiós (ca) , escrivan e religiós cristià (ca)

Biografia: un catar

Joan de Lugio nascut a Bergam, dins la region de Lombardia, Itàlia. Es lo filh màger de l'avesque de Desenzano. Foguèt avesque de sa comunautat catara de Desenzano vèrs 1250. Escriguèt un gròs tractat, perdut, dont Raynier Sacconi daissèt un brèu analisi, e un ensemble de 7 pichons tractats, lo tot gropat jol títol: Libre dels dos principis, qu'es conservat, en latin (Liber de duobus principiis).

Pensada: lo dualisme absolut

Segon Joan de Luigio, dos principis regnan dins l'univèrs, son totes los dos etèrns, mas son inegals. L'un es lo Ben, Dieu, l'autre es lo Mal. «Las idèas mèstras de Jean de Lugio son las de totes los dualismes absoluts. 1) Las doas creacions son coetèrnas a lors creators: procedisson d'eles coma los rais emanan del solelh. I a donc totjorn lo Mal, dels diables, de las armas corrompudas. 2) La corrupcion - l'òbra del marrit principi - a exercit sos degalhs sus totas las creaturas» (Renat Nelli).

Nèga lo liure-arbitre.

Presenta lo Crist coma un àngel enviat pel Paire per desliurar sos àngels, qu'a agut una vertadièra carn, qu'a fach de miracles, qu'es mòrt, enterrat, ressuscitat mas «dins un autre mond, superior, pas dins lo nòstre» (in alio superiori mundo e non in isto).