José Pérez

José Pérez es un arboricultor e un sindicalista occitan (d'origina espanhòla) sòci de la Coordinacion rurala, que n'es estat designat lo 24 de febrièr de 2023 co-president ambe Karine Duc pel departament d'Òut e Garona.^[1] ^[2]

Foguèt l'un dels menaires del movement dels agricultors de 2024 en avent en particular, en seguida de las accions de barratge de las rotas iniciadas en Occitània lo 18 de genièr per Jiròni Baile, organizat de son costat a partir del 22 de genièr lo blocatge de l'autorota Tolosa-Bordèu al nivèl d'Agen ; puèi menèt lo rambalh cap a la prefectura d'Agen l'aprèp-miègjorn del 24 de genièr ^[3] ; mentre, d'unes sòcis de la Coordinacion rurala an tanben aqueste meteis jorn de lor pròpia iniciativa perturbat lo restaurant McDonald's^[4] ; enfin, entre lo 29 e lo 31 de genièr, José Pérez organizèt un cortègi d'agricultors en tractor per anar cap a París (França) dins l'idea d'ensajar de blocar las rotas de la ciutat, o al mens lo Mercat d'Interès Nacional (MIN) de Rungis.^[5] José Perez es estat interceptat ambe la màger part del cortègi per las fòrças de l'òrdre al nivèl de la comuna de Jargeau dins lo Loiret. Pasmens, sa binòmi co-presidenta de la Coordinacion rurala d'Òut e Garona, Karine Duc, capitèt ambe una punhada d'activistas de dintrar dins lo MIN de Rungis, ont foguèron còp-sec interpelats per las fòrças de l'òrdre e botats en garda-a-vista.^[6]

Lo 11 de julhet de 2024, organiza un recampament pacific de la Coordinacion rurala sul trajècte del Torn de França de passatge dins Òut e Garona.^[7]

[1]

[2]

[3]

[4]

[5]

[6]

[7]

José Pérez

Vejatz tanben

Referéncias

Wikiwand - on