Krakatoa
From Wikipedia, the free encyclopedia
Remove ads
Krakatoa o Krakatau es ara una caldera situada entre las islas de Java e de Sumatra en Indonesia, dins lo destrech de la Sonda. Las erupcions de l'illa volcanica del mesme nom son a fòrta dominanta explosiva. Sa geografia foguèt borrolada al mens dos còps, durant las doas grandas erupcions de las annadas 416 o 535 e 1883. Dempuèi 1883, aflorís en un archipèla de quatre illas principalas (Verlaten, Lang, Rakata e Anak Krakatau) . L'archipèla aculhís una vida animala e vegetala rica, especialament gràcia a son clima tropical. Fa partit del pargue nacional d'Ujung Kulon, classat al Patrimòni Mondial de l'Umanitat per l'UNESCO.
Le volcan es subretot conegut per son explosion del 27 d'agost de 1883, una de las pus violentas de memòria umana, que tuèt plusors desenas de milièrs de personas e provoquèt un tsunami qu'estralhèt plusors còstas. Los efièches d'aquela erupcion explosiva foguèron perceptibles duscas en Euròpa, pauc après la catastròfa amb l'efièch de l'onda de tust sul nivèl de las mars, puèi amb una nebulositat particulara deguda a las cendres en suspension dins l'atmosfèra, que durèt plusors annadas. Aquela catastròfa inspirèt tanben grandament la literatura, lo cinèma, la television e la musica.
Al sègle XX, le volcan donèt naissença àa una illa novèla, l'Anak Krakatau (« enfant del Krakatoa »), un terren d'estudis per nombroses scientifics. Lo site del volcan es totjorn actiu. Lo 22 de decembre de 2018, una erupcion que demesiguèt la nautor de l'Anak Krakatau de dos terses provoquèt un tsunami murtrièr suls litorals del destrech de la Sonda.
Remove ads
Wikiwand - on
Seamless Wikipedia browsing. On steroids.
Remove ads