La Bionda

La Bionda èra un grop italian de disco mai que mai anglofòn actiu entre 1973 e 2022, format pels fraires Carmelo (nascut en 1949) e Michelangelo La Bionda (nascut en 1952). Lo decès de Carmelo La Bionda en novembre de 2022 d'un càncer marca oficialament la fin del grop.

Lo grop de disco italian La Bionda Sus l'empont

Pendent lor carrièra, los fraires La Bionda an tanben realizat de bendas sonòras de filmes.

Originaris de Catània en Sicília, los fraires La Bionda creisson dins un quartièr popular de Milan ont lor familha s'èra installada en 1954 e començan aquí d'escriure de cançons tre 1970. Lor primièr album data de 1977, publicat en aquel temps ambe per nom de scèna D.D. Sound.

En 1978, lor títol One for You, One for Me es utilizat per l'espòt publicitari de la marca Régilait.

Enregistran en 1980 lor cançon I wanna be your lover que marca lor viratge electronic e qu'anóncia l'estili italo disco. I wanna be your lover es un tube en 1981. Produson en seguida lo grop Righeira qu'aurà tre 1983 una gròssa capitada populara ambe lor títol Vamos a la playa.

Cançons mai conegudas en Occitània

• One for You, One for Me (1978)
• Bandido (1979)
• I wanna be your lover (1981)