Mètro de Moscòu

Lo mètro de Moscòu (Моско́вский метрополите́н - Moskovsky metropoliten) es lo principal sistèma de transpòrt en comun de la capitala russa Moscòu. Compausat de catòrze linhas d'una longor totala de 365 km e comprenent 232 estacions, transporta en mejana 6,25 milions de passatgièrs per jorn çò que ne fa lo mètro lo mai frequentat d'Euròpa.

 Aquesta pagina conten de caractèrs cirillics. En cas de problèma, consultatz Ajuda:Unicode o testatz vòstre navegador.

Mètro de Moscòu (ru) Московский метрополитен
Logotipe del mètro de Moscòu.
Situacion	[[Fichièr:Modèl:Country flag alias Russia|20x18px|border|Modèl:Country alias Russia]] Moscòu
Tipe	Mètro
Intrada en servici	1935
Longor del malhum	395,5 km[1]
Linhas	14[1]
Estacions	233[1]
Frequentacion	7 milions de viatjaires per jorn (2019)
Escartament dels ralhs	1 520 mm
Proprietari	Vila de Moscòu
Espleitador	Moskovsky Metropoliten
Sit internet	(ru) mosmetro.ru
Vitessa mejana	41,61 km/h
Vitessa maximala	80 km/h
Malhums connèxes	Monoralh de Moscòu Tramvai de Moscòu Troleibús de Moscòu
modificar

D'unas estacions son de remarcablas testimònias de l'art de l'epòcas del realisme socialista.

Malhum

Interestacion

La distància mejana entre las estacions es de 1,8 km : la mai pichona es de 502 mètres entre Vystavotchnaïa e Mejdounarodnaïa e la mai longa de 3,4 km entre Volgogradski prospekt e Tekstilchtchiki. L'espaçament important de las estacions permet una velocitat comerciala enauçada de 41,6 km/h.

Cais

Las estacions son construchas, dempuèi la creacion del mètro, amb de cais d'una longor minimum de 155 mètres permetent d'aculhir de trens de uèch veituras. Las solas excepcions son las estacions de la linha 4 — fòra Kountsevskaïa — que pòdon aculhir que de trens de sièis veituras.

Frequentacion

Lo malhum transporta mai de 2,39 miliards de passatgièrs per an, siá près de 6,55 milions per jorn.