Mistral (vent)

Mistral (var. mistrau),^{[1][nòta 2]} es un vent que s'establís entre lo Massís Central e los Aups, que lonja Ròse e que bufa en Daufinat dins Droma e en Provença suls departament de Gard, Bocas de Ròse, Var,Vauclusa, Aups Maritims.

Pels articles omonims, vejatz Mistral.

Los vents de la Mediterranèa[nòta 1]

Tramontana Gregal Levant Siròc Miègjorn Garbin Ponent Mistral

Causas del mistral

Corredors del mistral

L'aparicion del mistral es ligada a l'arribada d'un flux maritim fresc d'origina atlantica, o d'un flux freg continental, qu'arriba en Mediterranèa pel corredor Ròse-Sòna.

Las causas de desenclavament del mistral son :

• Establiment d'una dorsala anticiclonica sul sud-oèst (SW) de França
• Depression relativa sus la Mediterranèa Occidentala
• Preséncia d'aire caud dins la zona de la depression
• Alimentacion en aire freg

Es pas indispensable qu'aquestas quatre condicions sián acampadas.

Previsions

La preséncia de cirrus, sustot se son nombroses e localizats vèrs l'Oèst pòt èsser un signe anonciator del mistral, mas es pas sistematic.

Efèctes del vent

Arbres desraiçats pel vent

Preguiera dins lo pòrt de Carrò destinada a protegir lei marins durant lei brefoniás de mistrau.

Un exemple de sa fòrça foguèt visible pendent la partida França–Sud-Africa pendent la Copa del Monde de Fotbòl 1998, ont l'equipa atacant contra lo vent aguèt de dificultats e far avançar lo balon per de tirs longs. Un autre efièch del mistral es visible dins la valada de Ròse, particularament al sud de Valença: sa fòrça e sa persisténcia influisson sus la creissença dels arbres isolats que son fòrtament inclinats vèrs lo sud.

Nòtas

1. Aquels vents èran utilizats pels navigators sus la mar Mediterranèa. Los noms dels vents pòdon variar en foncion de las regions (per ex. tramontana en Lengadòc).
2. En francés: mistral