Malapèira

La Malapèira o probablament Malapera (en francés Malepère) es un massís e una pichona region naturala situat entre tres parçans lengadocians (Rasés, Lauragués e Carcassés).

Lo punt culminant del Massís de la Malapèira es lo Mont Naut (442 m). Lo massís se compausa principalament de bòsques.

Toponimia

L'abat Antòni Savartés escriu Malopero en occitan e en francés Malepeyre. Cita una atestacion de 1247, Nemus de Mala Pera^[1]. *Malapèira seriá la fòrma supausada, mes, tant pr'amor de la prononciacion actuala que de la fòrma anciana, es pas la fòrma autentica. Non i a que doás solucions, un etime diferent dempuèi l'origina o una volontat de destriament del nom de la cima de la Montanha de Laric, tanben Malapèira (576 m). Malapera, atestat Malopère en 1659 e Malepère sul cadastre, es (o èra) tanben un lòc de la comuna de Lanet^[1], probablament un transferiment.